كلمات رباعيات صلاح جاهين

مجلة مقال تقدم لكم في هذا المقال كلمات رباعيات صلاح جاهين، حيث أنه كاتب وممثل و كاريكاتير، والذي اشتهر بكتابة الرباعيات تعليقًا على الأحداث التي تقع في المجتمع، كما عُرف بفكره اليساري، حيث نستعرض عدد من أقوال جاهين المضحكة.

من هو صلاح جاهين :-

اسمه الحقيقي محمد صلاح الدين بهجت أحمد حلمي، ولد عام 1930، هو شاعر و كاريكاتير ساخر، ولد في حي شبرا، أنتج عدد كبير من الأفلام المتميزة للسينما المصرية، منها فيلم “أميرة حبي أنا”، كما قام بكتابة سيناريو بعض الأفلام، مثل فيلم “خلي بالك من زوزو”، “شفيقة ومتولي”، وغيرها.

شاهد أيضاً: أقوال واقتباسات محمود درويش

احتفاءات بـ صلاح جاهين :-

قد جاء خلال البحث عن كلمات رباعيات صلاح جاهين أنه أثناء عرض التليفزيون المصري مسلسل يروي قصة حياة صلاح جاهين، ويعرض رباعياته ومواقفه السياسية والفنية، تقديرًا له بعد وفاته، حيث عُرض المسلسل عام 2005، أي بعد مرور أكثر من تسعة عشر عامًا على وفاته، حيث توفي جاهين عام 1986.

رباعيات صلاح جاهين :-

• “يأسك وصبرك بين أيديك وانت حر.. تيأس ما تيأس الحياة راح تمر.. أنا دقت من ده ومن ده عجبي.. لقيت الصبر مر وبرضه اليأس مر.. عجبي”.
• “لا تجبر الإنسان ولا تخيّره.. يكفيه ما فيه من عقل بيحيّره.. اللي النهارده بيطلبه ويشتهيه.. هو اللي بكره ح يشتهى يغيّره.. عجبى!”.
• “أنا اللي بالأمر المحال أغتوى.. شفت القمر نطيت لفوق في الهوا.. طلته ما طلتوش.. إيه أنا يهمني؟.. وليه ما دام بالنشوة قلبي ارتوي.. عجبي!!”.
• “أنا شاب لكن عمري ألف عام.. وحيد لكن بين ضلوعي زحام.. خايف و لكن خوفي مني أنا.. أخرس و لكن قلبي مليان كلام.. عجبي!!”.
• “يا باب يا مقفول.. أمتى الدخول.. صبرت ياما واللى يصبر ينول.. دقيت سنين.. و الرد يرجع لي: مين؟”.
• “لو كنت عارف مين أنا كنت أقول.. عجبي!”.
• “إيديا في جيوبي وقلبي طرب.. سارح في غربة بس مش مغترب.. وحدي لكن ونسان وماشى كدا.. ببتعد معرفش أو بقترب.. عجبي”.
• “ولدي نصحتك لما صوتي اتنبح.. ما تخفش من جني ولا من شبح.. وان هب فيك عفريت قتيل أساله.. ما دافعش ليه عن نفسه يوم ما أندبح.. عجبي”.

رباعيات صلاح جاهين مكتوبة :-

• “قتلوه من التعذيب وقالوا انتحر.. فكرت لحظة وقلت: آه يا غجر!.. لو جنسكم سبناه يعيش في الحياة.. اللي انتحر راح يبقى جنس البشر!”.
• “دخل الشتا وقفل البيبان ع البـــيوت.. وجعل شعاع الشمس خيط عنكبوت.. وحاجات كتير بتموت في ليل الشتا.. لكن حاجات أكتر بترفض تمــــــوت.. عجبي!!”.
• “إنسان.. أيا إنسان ما أجهلك.. ما أتفهك في الكون وما أسألك.. شمس وقمر وسدوم وملايين نجوم.. وفاكرها يا موهوم مخلوقة لك؟.. عجبي”.
• “مرغم عليك يا صبح.. مغصوب يا ليل.. لا دخلتها برجليا ولا كان لي ميل.. شايلنى شيل دخلت أنا في الحياة.. وبكرة هخرج منها شايليني شيل”.
• “أنا مش تبع مخلوق يا سيدنا البيه.. أنا حُر في إللي يقول ضميري عليه.. وإن كنت تُحكم جوا ملكوتك.. الشارع الواسع فاتح لي إيديه”.
• “عجبتني كلمة من كلام الورق.. النور شرق من بين حروفها و برق.. حبيت اشيلها ف قلبي.. قالت حرام.. ده أنا كل قلب دخلت فيه اتحرق! عجبي”.
• “في ناس بنشوفها بالالوان وناس جواها مش بيبان.. وناس اسود وناس ابيض.. وناس محتاجة بس أمان.. واكتر ناس تآمنهم ما ييجي الجرح غير منهم.. وناس انت بعيد عنهم بتنسى معاهم الاحزان”.

شاهد أيضاً: أبرز أقوال العظماء عن النجاح في الحياة

شعر صلاح جاهين عن الدنيا :-

• “اوقات أفوق ويحلّ عني غباياً.. وأشعر كأني عرفت كل الخبايا.. و افتح شفايفي عشان أقول الدرر.. ما أقولش غير حبة غزل في الصبايا.. عجبي!!”.
• “أعرف عيون هي الجمال و الحسن.. و اعرف عيون تاخد القلوب بالحضن.. وعيون مخيفة وقاسية، وعيون كتير.. وبنحس فيهم كلهم بالحزن.. عجبي”.
• “أنا قلبي مزيكا بمفاتيح.. من لمسة يغني لك تفاريح.. مع إني مفطرتش وجعان.. ومعذب ومتيم وجريح”.
• “يا طير يا طاير فـِـ السما.. يا بختك.. لا فارق معاك حاجة وعايش براحتك.. لــو عــرفــت إيــــه اللـــي فـيـنـــا.. عــمــــرك مــــا هـتـبـــص تـحـتـــك.. وعجبي!!”.
• “أنا قلبي كان شخشيخة أصبح جَرس.. جلجلت به صحيوا الخدم والحرس.. أنا المهرج.. قمتو ليه خفتو ليه.. لا في إيدي سيف ولا تحت مني فرس.. عجبي!!”.
• “نوح راح لحاله و الطوفان استمر.. مركبنا تايهه لسه مش لاقيه بر.. آه م الطوفان وآهين يا بر الأمان.. إزاي تبان و الدنيا غرقانه شر.. عجبي”.
• “في يوم صحيت شاعر براحة وصفا.. الهم زال و الحزن راح و اختفي.. خدني العجب و سألت روحي سؤال.. أنا مت؟ ولا وصلت للفلسفة.. عجبي”.
• “سهير ليالي و ياما لفيت و طفت.. و ف ليلة راجع في الضلام قمت شفت الخوف.. كأنه كلب سد الطريق.. وكنت عاوز أقتله.. بس خفت.. عجبي!!”.

إشعار صلاح جاهين عن مصر :-

• “غمض عينيك وارقص بخفة ودلع.. الدنيا هي الشابة و انت الــــــــجدع.. تشوف رشاقة خطوتك تعبــــــــدك.. لكن انت لو بصيت لرجليك تـقع.. عجبي!!”.
• “عبثا باقول واقرا في سورة عبس.. ماتلومش حد إن ابتسم أو عبس.. فيه ناس تقول الهزل يطلع جد.. وناس تقول الجد يطلع عبث”.
• خرج ابن آدم من العدم قلت: “ياه رجع ابن آدم للعدم.. قلت: “ياه تراب بيحيا.. وحى بيصير تراب.. الأصل هو الموت ولا الحياة؟.. عجبي!!”.
• ضريح رخام فيه السعيد اندفن.. و حفره فيها الشريد من غير كفن.. مريت عليهم.. قلت يا للعجب.. الإثنين ريحتهم لها نفس العفن.. عجبي!!”.
• ياما صادفت صحاب و ما صاحبتهمش.. و كاسات خمور و شراب و ما شربتش.. أندم علي الفرص اللي انا سبتهم.. و لا على الفرص اللي ما سبتهم.. عجبي!!”.
• و الكون ده كيف موجود من غير حدود.. و فيه عقارب ليه و تعابين ودود.. عالم مجرب فات و قال سلامات.. ده ياما فيه سؤالات من غير ردود.. عجبي!!!”.
• أنا شاب لكن عمري ألف عام.. وحيد لكن بين ضلوعي زحام.. خايف ولكن خوفي مني أنا.. أخرس ولكن قلبى مليان كلام.. وعجبى”.

رباعيات صلاح جاهين عن الحب :-

• أحب أعيش ولو في الغابات.. أصحي كما ولدتني أمي و أبات طائر.. حيوان.. حشرة.. بشر.. بس أعيش.. محلا الحياة.. حتي في هيئة نبات.. عجبي!!.
• كان فيه زمان سحليه طول فرسخين.. كهفين عيونها و خشمها بربخين.. ماتت لكين الرعب لم عمره مات.. مع إنه فات بدل التاريخ تاريخين.. عجبي!!”.
• عجبتني كلمة من كلام الورق.. النور شرق من بين حروفها و برق.. حبيت أشيلها ف قلبي.. قالت حرام ده أنا كل قلب دخلت فيه أتحرق.. عجبي”.
• رقبه قزازة و قلبي فيها أنحشر.. شربت كاس و أتنين و خامس عشر.. صاحبت ناس م الخمرة ترجع وحوش.. و صاحبت ناس م الخمرة ترجع بشر.. عجبي!!.
• ورا كل شباك ألف عين مفتوحين.. وأنا وانتي ماشيين يا غرامي الحزين.. لو التصقنا نموت بضربة حجر.. ولو افترقنا نموت متحسرين.. عجبي!.
• علي رجلي دم.. نظرت له ما احتملت.. علي أيدي دم.. سألت ليه؟ لم وصلت علي كتفي دم.. وحتى على رأسي دم.. أنا كلي دم.. قتلت؟ ولا أتقتلت.. عجبي!!”.
• أنا كل يوم أسمع فلان عذبوه.. أسرح في بغداد و الجزاير وأتوه.. ما أعجبش م اللي يطيق بجسمه العذاب.. وأعجب من اللي يطيق يعذب أخوه.. عجبي!.

شاهد أيضاً: حكم وأقوال خواطر أحمد الشقيري

وفي ختام مقال كلمات رباعيات صلاح جاهين، نود أن ينال المقال إعجاب السادة القراء، حيث حرصنا على تقديم بعض أقوال صلاح جاهين، وفي انتظار تعليقاتكم على المحتوى، وانتظرونا مع المزيد من المقالات المفيدة خلال الفترة المقبلة.